Cometa Hyakutake

Cometa Hyakutake (C/1996 B2)
Descubrimientu
Descubridor	Yuji Hyakutake
Fecha	1996
Nome provisional	El Gran Cometa de 1996, C/1996 B2
Elementos orbitales
Enclín	124,9°
Semiexe mayor	2349,02 UA
Escentricidá	0,995086
Elementos orbitales derivaos
Periastru o periheliu	0,230204 UA
Apoastru o afeliu	4698,77 UA
Periodu orbital sideral	10000-72000 a
Últimu periheliu	1 de mayu de 1996
Próximu periheliu	72000(?)
[editar datos en Wikidata]

El cometa Hyakutake, formalmente C/1996 B2 foi afayáu en xineru de 1996, y pasó cerca de la Tierra en marzu del mesmu añu. Foi llamáu'l Gran Cometa de 1996; el so aproximamientu a la Tierra foi una de les más cercanes de los postreros 200 años. Hyakutake apaeció como un oxetu bien brillosu nel cielu nocherniegu y pudo ser vistu dende tol mundu. Antemanó al bien esperáu cometa Hale-Bopp, que se taba averando nesos momentos al sistema solar internu.

La so observación dio pie a dellos descubrimientos. Reparóse la primer emisión de rayos X per parte d'una cometa, supuestamente por cuenta de la interacción ente les partícules del vientu solar que interactúan colos átomos neutros de la cola de la cometa. La sonda Ulysses crució inesperadamente la so cola a una distancia cimera a los 500 millones de quilómetros, amosando que'l Hyakutake tenía la cola más llarga conocida hasta'l momentu.

El Hyakutake ye una cometa de periodu llargu. Antes de la so última incursión nel interior del sistema solar, el so periodu orbital yera d'unos 15 000 años, pero la influencia gravitatoria de los planetes xigantes, como Xúpiter, amontó dichu valor hasta unos 72 000 años.